Рыжанкоў: беларуская мова - каштоўны скарб, які збераглі продкі насуперак намаганням знішчыць ідэнтычнасць беларусаў

21 лютага, Мінск /Кар. БЕЛТА/. У Беларусі надаюць вялікую ўвагу захаванню і развіццю беларускай мовы. Аб гэтым заявіў міністр замежных спраў Рэспублікі Беларусь Максім Рыжанкоў на літаратурным вечары "Паэтычныя вобразы Радзімы" з нагоды Міжнароднага дня роднай мовы ў Доме радыё, перадае карэспандэнт БЕЛТА.

• Рыжанкоў: мы нагадваем усяму свету пра багацце і мілагучнасць беларускай мовы
• Рыженков: в Беларуси представители всех национальностей имеют возможность сохранения родных языков

"Рады вітаць вас з нагоды Міжнароднага дня роднай мовы, які сёння адзначаецца ва ўсім свеце. Прычым адзначаецца ўжо 25-ы раз. Для мяне як для старшыні Нацыянальнай камісіі па справах ЮНЕСКА важна нагадаць, што Беларусь была адным з суаўтараў рашэння Генеральнай канферэнцыі ЮНЕСКА аб заснаванні гэтага памятнага дня", - адзначыў кіраўнік знешнепалітычнага ведамства, звяртаючыся да прадстаўнікоў дыпламатычнага корпуса.

• Посол Вьетнама: защита родного языка означает защиту культурной идентичности каждой нации
• Посол Таджикистана о поэтической встрече ко дню родного языка: это способствует духовному сближению народов

Максім Рыжанкоў сказаў, што не выпадкова сабраліся ў Доме радыё - у гэтым годзе адзначаецца 100-годдзе Беларускага радыё, якое было і застаецца надзейным партнёрам Міністэрства замежных спраў. "Шчыры дзякуй за плённае супрацоўніцтва, у тым ліку па арганізацыі сённяшняй імпрэзы", - падкрэсліў ён.
 
Міністр адзначыў: "У Беларусі надаюць вялікую ўвагу захаванню і развіццю беларускай мовы. Гэта каштоўны скарб, які збераглі і перадалі нам у спадчыну пакаленні нашых продкаў - насуперак намаганням розных захопнікаў знішчыць ідэнтычнасць беларусаў, а следам - і нас саміх".
 
"Кожны беларус з маленства памятае словы класіка айчыннай літаратуры Францішка Багушэвіча: "Не пакідайце ж мовы нашай беларускай, каб не ўмёрлі", - заўважыў кіраўнік знешнепалітычнага ведамства.-0-